Sorleku jolas eremua osatzeko bigarren parte hartze prozesua

Otsailean Sorleku parkeari buruz hitz egin genuen, eta espazio berri hau kotxetegien ondoan eraikitzeko beharraz.


Ostegun honetan, azaroaren 11n, Sorleku parkea osatzeko bigarren prozesu parte-hartzaile bat hasiko da. Ategorrietako Zuhaizti ikastetxe publikoan (Atarizar kalea, 22) egingo den bileran azalduko da proiektua nondik datorren, helburuak zein diren, eta galdera hauei erantzungo zaie:

Umeen interes eta beharretatik abiatutako eremua. Zer garapen izan du parkeak?

Ideia eta beharretatik errealitatera. Zer egin dezakegu?

Sorleku jolas eremuaren diseinuaren osatzea. Parte hartu nahi?

Parte hartze prozesua aurkezteko bilera irekia

Azaroak 11 (osteguna), 18:30ean Ategorrietako Zuhaizti eskola publikoan

Garrantzitsua da garatuko diren ekintzetan parte hartzea, guztion artean parke hau eraikitzeko.

Antolatzaileak: Donostiako Udala eta ALUBI.

Ulialde Alkartetxeak eta Eusko Alkartasunak Intxaurrondo auzoa lotzeko autobus zerbitzua aldarrikatzen jarraitzen dute

2020ko martxoan idatzi genuen bezala, Intxaurrondok auzoa lotuko duen autobus zerbitzua behar du.

Argi dagi Intxaurrondo oso auzo zabala dela, eta bere aldapak direla eta, bizilagun askok arazoak dituzte auzo beraren barruan mugitzeko, eta auzoaren batasun naturala zailtzen du. Irisgarritasun arazoak oso nabarmenak dira auzoko hainbat tokitan. Eta arazoa konpontzeko aspalditik aldarrikapen bat airean dago, autobus zerbitzu bat ezartzea.

Informazioa:

http://www.eadonostia.org/intxaurrondoko-auzoa-lotzeko-autobus-zerbitzua-eskatu-du-eusko-alkartasunak/

Donostiako Udalak inkesta bat abian jarri du

Donostiako Udalak auzo bakoitzeko bizilagunen iritzi eta ideiak ezagutzeko eta elkar partekatzeko helburuarekin inkesta bat zabaldu du interneten bidez. Partaidetzazko Aurrekontuetan atera daitezkeen proposamen ideiak partekatu, eraiki eta forma emateko balioko dela iragarri dute Udaletik.

ZER eta NOLA EGINGO DUTE?

1 / Inkesta: Zure auzoari buruzko galdera batzuei erantzutea.

2 / Auzokako foro digitalak: Inkestako emaitzak atal digitaletan partekatuko dira eta bertan bizilagunen arteko elkarrizketa sortzea da asmoa, ideiak eraiki eta proposamenak gorpuzteko.

3 / Bideokonferentziak auzoka: Foro digitaletan hitz egindakoa eta inkestan irten diren emaitzak partekatu eta horien inguruan solasteko. Ondoren doaz auzo bakoitzean antolatu diren bideokonferentzietarako egunak eta orduak:

Asteartea, martxoak 9:

18.00 – Intxaurrondo + Bidebieta 

Asteazkena, martxoak 10:

18.00 – Ulia + Gros

19.00 – Egia

HURRENGO ESTEKAN PARTE HARTU DEZAKEZU:

https://donostia.osoigonext.com/eu/processes/2021eko-partaidetzazko-aurrekontuak/inkesta/