Ulialde

San Ignacio eguna

Urtero bezala Umore Ona elkarteko danborradari harrera egin genion Alkartetxean San Ignacio egunean.

Ulialde

Alkartetxea UdaleanBerri aldizkarian

UdaleanBerri aldizkariak gure alkartetxearen ekitaldien berri eman du. Donostiako Eusko Alkartasunako aldizkariaren atera berri den azkeneko alean, Alkartetxea antolatutako bertso afaria eta bertan egin diren batzarrak ateratzen dira. Era berean Luis Mari Mujika gure alkartetxekide zenari hitz batzuk eskaini dio aldizkariak.

Luis Mari Mujika, agur eta ohore

Egun batzuk dira Luis Mari Mujika (Lizartza, 1939) zendu zela. Atzo, Grosen, ospatu ziren hileta elizkizunak. Luis Mari Mujika Donostiako Groseko Ulialde alkartetxeko afiliatua zen, oso estimatua eakideen artean, eta militante fina. 2013an Barañainen ospatu zen Nazio Biltzarrean, Donostiako ordezkari izan zen. Orain dela urte batzuk arte, Mujika Alkartasuna Fundazioko zuzendaritzako kide ere izan zen.

Euskal filologoa eta euskaltzain urgazlea izan zen Mujika, Euskal Herri eta euskararen aldeko lan oparoa egin zuena. Ezagunak dira euskal toponimia eta hiztegigintzaren inguruan egindako lanak. Baita ere, literatur munduan, idatzitako eleberri, poesía eta saiakerak. Horietako asko, gainera, sarituak izan ziren hainbat lehiaketetan. Euskal munduak ekarpena asko egin zizkion pertsona bat galdu du.

Agur eta ohore, lagun.

Luis Mari Mujika
Argazkia: Iñaki Linazasoro. euskomedia.org

Korrika

Datorren apirilaren 4ean Korrika donostian izango da.

Donostiako Eusko Alkartasunak kilometro bat erosi du eta han izango gara, era berean EAko Donostiako Batzorde Eragileak Alkartetxearekin batera merienda askaria antolatu du 19:30ean gure Alkartetxean indarrakin joateko Korrikara.

Aurtengo kilometroa orain dela 2 urteko kilometroaren leku berdinean dago, Kolon pasaleakua eta Mirakruz kalea topo egiten dutenenan, eta 21:15ean hartuko dugu Korrikaren lekukoa.

 

Jai giroa bertso afarian

Jakingo dezun bezala pasa den ostiralean gure Alkartetxean bertso afari bat antolatu genuen, gurekin, lagun eta alkartetxeko kideekin batera Jokin Labayen eta Maider Arregi bertsolariak egon ziren eta giro onean afaldu ondoren, bertsotan hasi ziren.

Bigarren platera bukatzerakoan “Imanol Murua, Gipuzkoako Alkate” liburuaren 5 ale zozketatu genituen, Ulialde Alkartetxearen batzordearen eskutik.

Cena Ulialde

Ulialde Afaria

Ulialde bertso afaria